Япон бүсгүйчүүд яагаад гоолиг туранхай байдаг тухай та эргэцүүлж байсан уу? Дорнын хоолны соёл ихээхэн нөлөөтэй. Япон бүсгүйчүүдийн баримталдаг нууцуудаас суралцсанаар та илүүдэл жингээ хаяад зогсохгүй, таны бие эрүүлжинэ.
1. Жижиг хэмжээтэй сав суулга сонго
Япончууд хоол идэхдээ жижиг хэмжээтэй сав суулга сонгодог. Ингэснээр хоолоо хэтрүүлэхгүй, бага порцоор идэхэд тань тусална. Жижиг хэмжээтэй аяга таваг сонгосноор таны хоолны зуршил буурч, нэг удаад идэх хоолны хэмжээ тань багасахыг анзаарах болно.
2. Ногоон цай уу
Япончууд өдөр тутамдаа ногоон цай ихээр уудаг. Ногоон цай нь зүрхний аливаа өвчлөлөөс сэргийлэх төдийгүй хоолны дуршлыг ч бууруулна. Таны хоолны дуршил буурч, нэг удаад идэх хоолны хэмжээ тань багасахыг анзаарах болно.
3. Хоолоо амтархан ид
Завгүй амьдрал дунд хоолоо яаран идэх нь зарим хүмүүсийн хувьд зуршил болсон гэж хэлж болно. Тэгвэл Япончууд хоолоо удаан зажилж, хоолныхоо амтыг сайтар мэдэрч иддэг. Цадсан мэдрэмж хүний тархинд 20 минутын дараа хүрдэг. Тиймээс хоолоо яаралгүй, тайван, мөн сайн зажилж идэх хэрэгтэй.
4. Хэт боловсруулсан бүтээгдэхүүнээс татгалз
Япончууд хүнсэндээ голчлон цагаан будаа, загас, ногоо, шар буурцагны төрлийн бүтээгдэхүүн хэрэглэдэг. Бүх хоол хүнс нь байгалийн гаралтай. Хэдий Япончууд амттанд дуртай ч, бургер, наггетс, шарсан төмс зэрэг түргэн хоолноос татгалздаг.
5. Хоолоо бага багаар ид
Японд аливаа хоолыг их хэмжээгээр биш, олон төрлийн хоолыг багахан хэмжээгээр таваглан өгдөг. Тиймээс хоол тус бүрээс амсах төдий иддэг. Бага порц нь илүүдэл жингээсээ салах болон эрүүл амьдрах гол үндэс юм.
6. Химийн бодисоос татгалз
Супермаркетуудаар худалдаалж байгаа хүнсний бүтээгдэхүүний дийлэнх нь хурдан мууддаг. Мөн хадгалах хугацаа нь дуусах дөхөж байгаа бүтээгдэхүүнийг хэрэглэх эсэхээ сайтар эргэцүүлэх хэрэгтэй. Үйлдвэрлэгчид бүтээгдэхүүнийхээ хадгалах хугацааг уртасгахын тулд элдэв химийн бодис нэмдэг. Ийм бүтээгдэхүүнээс аль болох татгалзаарай.
7. Ногоо түлхүү хэрэглэ
Япончууд хүнсэндээ ногоо түлхүү хэрэглэдэг. Хоолоо аль болох чимэглэж, идэх дуршлыг нэмэгдүүлдэг. Улаан лооль, лууван, чинжүү, хүрэн манжин зэргийг ашиглан аливаа хоолыг үзэмжтэй болгон чимэглэдэг. Нөгөө талаар хүнсэндээ ногоо түлхүү хэрэглэх нь эрүүл мэндэд ашиг тустай.
сэтгэгдэл байхгүй